FAC i su Komishon Organisadó ta yama danki na e patrosinador nan di henter aña 2014 ku ta Auto City, ARPO Body Shop, EMS Dyno, NAPA Auto & Truck Parts, Alcolado Glacial, Gomez Shipping, AVF Antiliaanse Verf Fabriek, Western Trading ku su tire nan Dunlop, Star Motors, IEPA Agencies.
Danki spesial na tur e ofisialnan di pista, Krus Kòrá, Kuerpo di Bombero i Kuerpo Polisial di Pais Kòrsou.
FAC y su Komishon Organisadó ta spòt tambe nos koredor y vehíkulonan ku a sobresalí den eksterior durante di 2014.
Pa loke ta e promé outo ku ta spòt ta “Blackout” ku ta propiedat di Leendert Van Rumpt, mihó konosí komo “Peter di Master Painting” huntu ku su driver, mekániko i tunner Abel Burgos di Abel Performance aya na Orlando, Florida.
Pa inisio di 2014 pa “Blackout”, despues di a hasi vários invershon y kambio na e outo i a bai over pa e sistema mas moderno den kòmpiuter pa vehíkulo di “Fuel Tech”, 23 di mart na Lake Land a bai pa un tèst i a registrá un tempu di 7.13 sekònde. Despues a sigui pa un match race kontra di Boris Rojas kual tabata e eks propietario di “Blackout”. Den e kareda di match race aki “Blackout” a sali viktorioso. Mesora “Blackout” a sigui pa e kareda i autoshow grandi di Florida “Nopi Autoshow & Drag Racing”. Aki “Blackout” a sali runner up tras di e “Rafelito”. “Blackout” seguidamente a bini Kòrsou pa Drag Fest 2014 i ta bira kampion di Top Sportman i Extreme Import. Na yüli “Blackout” a partisipá e na un di e kareda mas importante di zomer ku ta na ATCO, USA VS Puerto Rico. “Blackout” a kualifiká nr. 6 den e Quick 16 ku un tempu di 7.12. Na luna di òktober a bini e kareda di mas importante di Orlando ku ta e “Extreme Import Finals”. Aki “Blackout” a bira e promé outo Extreme Import di Antia ku ta kore 6 sekònde ku un tempu di 6.83 sekònde riba 200 mph. Ku e tempu aki ta e promé rotary di Fuel Tech den 6 sekònde. Rekòrt nan mundial di e motor rotary 13B nr. 4 mas rápido na den Merka i nr. 5 di mundu. E tim ta spera di mehorá e tempu nan pa 2015 y sigui promové nòmber di Kòrsou na kada evenementu ku e outo presentá.
Keda pendiente pa nos siguiente artíkulo di “King Kong 5” ku Lizzy Musi, “Cosa Nostra” di Alessandro De Luca, kual tin e vehíkulo na benta, Rendolf Torbed ku motosaikel, Jason Angela i Jenny Martis di Still Balling aya na Merka i tambe Charly Anasagasti na Oropa.
